મુર્તિ હો કે પત્થર

મુર્તિ હો કે પત્થર શ્રધ્ધા હોવિ જોઇએ

નામ ગમે તે હો સાચી ભક્તી હોવિ જોઇએ .

ચાખેલ હો તો હો ભલે શબરી હોવિ જોઇએ

સમય એનો નક્કી છે ધિરજ હોવી જોઇએ.

આસપાસ જ છે એ અહી ,પાક નઝર હોવી જોઇએ

હાથી ની એ પુકાર જેવી, બંદગી હોવી જોઇએ

(ગજેંદ્ર મોક્ષ સ્તુતી ,ભાગવત કથા માં હાથી અને મગર ના સંદર્ભે)

ધન વૈભવ ના ખપે એને , સાદગી હોવી જોઇએ

માંગે છે તો બસ એટલુ કે કરુણા હોવિ જોઇએ

માનવાતા જ ધર્મ છે, કોઇ બલી ના હોવી જોઇએ

ધાર્મીક હોય તો ભલે ધર્મની જાત ના હોવી જોઇએ

*સુકેશ પરીખ*  ૨૪/૦૭/૨૦૧૨

સસ્તાં માં એક સોદો

ચરણો માં શ્રીફળ રૂપિયો ધરી દીધો
સસ્તાં માં આજ એક સોદો કરી દીધો.

છુપું નથી કશું જેનાથી જગતમાં
એને ય આજ થોડો થોડો છળી દીધો .

પામ્યો બધુ મારા નામે કરી દીધુ  
ભૂલો નો કળશ એના માથે વરી દીધો.

બટકું એ ક્યાં ચાખશે એમ સમજી,
સ્વાર્થ કેરો મેં રાજભોગ ધરી દીધો .

હશે ! થોડું થોડું પુન હું પણ પામીશ
વિચારી એમ કટકો એને ય ધરી દીધો

*સુકેશ પરીખ* ૦૧/૦૮/૨૦૧૨

એક તારો બોલે મીરા ના ભેદ ખોલે

એક તારો બોલે
મીરા ના ભેદ ખોલે..........એક તારો બોલે

મધુર પદોથી હર પ્રભાતે
ઇશ્વર ને ઢંઢોળે .......... .

હસતા હસતા વિષ પીને
શ્રધ્ધા ની ગાથા બોલે...... એક તારો બોલે

સુખ વૈભવ મહેલો ના
વાંસળીએ થી  તોલે.......

લોક લાજ ત્યાગી ને
કેવી હરી નામ માં ડોલે......એક તારો બોલે

જાત ફક્ત ભક્તી ની એકજ
રઈદાસ ને તરબોળે .......

મારગ એવો સિધ્ધ કર્યો
ખુદ ઇશ્વર આવ્યો ટોળે ......એક તારો બોલે

એક તારો બોલે
મીરા ના ભેદ ખોલે..........એક તારો બોલે

સુકેશ પરીખ ૨૩/૦૭/૨૦૧૨

કસબ

મુઠ્ઠિ ઓ ખોલી તો જો હાથ મા તારા આસમાની કસબ છે.

એક ઠેસ મારી  તો જો ચરણો મા તારા ભાગ્ય અજબ છે.

બે હાથ જોડી વંદી  તો જો , ઇશ્વર ની મહેર ગજબ છે .

------------સુકેશ પરીખ------------૧૩/૦૫/૨૦૧૨

કઈક નેક

એક જ પંથ ના રાહી સહુ,

સહુ ની મંઝીલ એક.

સાથ કોઇનો ક્યારે છુટે?

કરી લઈએ કઈક નેક............સુકેશ પરીખ ૮/૫/૨૦૧૨

વાત તારા રૂપ ની

સુરજ મા તારુ રૂપ ભળ્યુ ને દિશાઓ પ્રકાશીત થઈ ગઈ,

હવાએ તને સ્પર્શ કર્યો ને હવા સુગંધીત થઈ ગઈ ,

કળી ઓ મા તારો સ્વાસ ભળ્યો ને કળી ઓ પુલકીત થઈગઈ,

પાણી ને જ્યા હાથ અડ્યો ને પાણી મદિરા થઈ ગઈ,

કેશ તે જ્યા ખોલ્યા ને વેલ લતા થઈ ગઈ

પાપણ સહેજ ઝુકી ને સાંજ સિંદુરી થઈ ગઈ

નયન મા આંજ્યુ કાજળ ને રાત કાલીઘટા થઈ ગઈ

વાત તારા રૂપ ની કરી  જ્યા, શ્રુષ્ટી માં ચર્ચા થઈ ગઈ.....

                                                  સુકેશ પરીખ ૬/૫/૨૦૧૨

વરસાદ

પડવા માં એનો ફાયદો શોધતો થઈ ગયો છે

આ વરસાદ પણ અમદાવાદી થઈ ગયો છે .

નક્કી કોમોડિટિ બાઝાર માં લિસ્ટિંગ હશે એનુ

અછત ઉભી કરી સટ્ટો કરતો  થઈ ગયો છે.

આ વરસાદ પણ અમદાવાદી થઈ ગયો છે ..

કેટલા મહાદેવ ડુબાડશું? કેટલા દેડકા પરણાવશું?

ટોટકા કરતા માણસ ની મઝા લેતો થઈ ગયો છે

આ વરસાદ પણ અમદાવાદી થઈ ગયો છે

છ્ત્રી વેચનાર ની દુરંદેશી પર હસતો થઈ ગયો છે

વરતારો કરનાર પર મનમાં મલકાતો થઈ ગયો છે

આ વરસાદ પણ અમદાવાદી થઈ ગયો છે

આકાશે મીંટ માડેલ ગરજાઉ આંખો વાળા

જગતા ના તાત સાથે ભાવ તાલ કરતો થઇ ગયો છે.

આ વરસાદ પણ અમદાવાદી થઈ ગયો છે...... 

         *સુકેશ પરીખ*  ૨/૭/૨૦૧૨

સપના

સપના આંજ્યા સાત સખીરી , સપના આંજ્યા સાત 

આસમાની આખો મા , આસમાન થી ઉચાં 
વાદળ ની ભીનાશ જેવા ,ઝરમર ઝરમર શ્રાવણ જેવા

ચાતક ની આખોં જેવા, કોયલ ના ટહુકા જેવા
મેઘધનુષી રંગ જેવા, મોરપીંચ્છ ના સ્પર્શ જેવા

વાસંતી કળી ઓ જેવા , વૈશાખી વાયરા ઓ જેવા
નસનસ મા વહેતા લોહી જેવા, પથ્થર ની રેખ જેવા

સપના આંજ્યા સાત સખીરી , સપના આંજ્યા સાત .......સુકેશ પરીખ(૧૩/૫/૨૦૧૨)

પિયર

રજાઓ તો પિયર જવાનુ બહાનુ થઇ ગયુ ,
તારા વગર ઘર મારુ મકાન થઈ ગયુ ............
પગથીયે ઉતરતાં જોઈને મન છાનું થઇ ગયું
"તારી સાથે આવું?" એમ પૂછવાનું રહી ગયું
તને ચાલી જાતાં જોઈને મન સૂનું થઇ ગયું
એક પળ બની અનંત, હૈયુ જૂનું થઇ ગયું ....
ખખડયા જ્યાં વાસણ ને આભાસ થયો તારો ,
તું ગઈ જેવી કે મન મારું ભૂતાવળ થઈ ગયું ...
એક થાળીમાં હતું ભાણું, પણ લાગ્યું સાવ અજાણ્યું
ગળે બાઝ્યાં ડુમા ને ખાણું સ્વાદ વિનાનું થઇ ગયું ..
સુરજની પ્રગટી લાલી અને તારી યાદ આવી
તારી અનુપસ્થિતિથી અંધારું વળવું થઇ ગયું ...
.
....સુકેશ પરીખ.....જનક દેસાઇ.....રાજ ઘાયલ.....૨૮/૦૪/૨૦૧૨

શ્રદ્ધા

ભર્યા વાદળને ક્યાં વરસવું એ બતાવ તું,
હોય ઉપવન કોઈ તરસતું એ બતાવ તું.

જો રોમે રોમ થી છલકાઇ શ્રદ્ધા મારી,
દેવ થઈ પાણાને પ્રગટવું એ બતાવ તું.

પ્રગટ હે સાત આસમાનના સ્વામી હવે,
મારે ક્યાં સુધી સળગવું એ બતાવ તું.

- સુકેશ પરીખ (૨૩/૦૪/૨૦૧૨)