એક તારો બોલે મીરા ના ભેદ ખોલે

એક તારો બોલે
મીરા ના ભેદ ખોલે..........એક તારો બોલે

મધુર પદોથી હર પ્રભાતે
ઇશ્વર ને ઢંઢોળે .......... .

હસતા હસતા વિષ પીને
શ્રધ્ધા ની ગાથા બોલે...... એક તારો બોલે

સુખ વૈભવ મહેલો ના
વાંસળીએ થી  તોલે.......

લોક લાજ ત્યાગી ને
કેવી હરી નામ માં ડોલે......એક તારો બોલે

જાત ફક્ત ભક્તી ની એકજ
રઈદાસ ને તરબોળે .......

મારગ એવો સિધ્ધ કર્યો
ખુદ ઇશ્વર આવ્યો ટોળે ......એક તારો બોલે

એક તારો બોલે
મીરા ના ભેદ ખોલે..........એક તારો બોલે

સુકેશ પરીખ ૨૩/૦૭/૨૦૧૨