વરસાદ

પડવા માં એનો ફાયદો શોધતો થઈ ગયો છે

આ વરસાદ પણ અમદાવાદી થઈ ગયો છે .

નક્કી કોમોડિટિ બાઝાર માં લિસ્ટિંગ હશે એનુ

અછત ઉભી કરી સટ્ટો કરતો  થઈ ગયો છે.

આ વરસાદ પણ અમદાવાદી થઈ ગયો છે ..

કેટલા મહાદેવ ડુબાડશું? કેટલા દેડકા પરણાવશું?

ટોટકા કરતા માણસ ની મઝા લેતો થઈ ગયો છે

આ વરસાદ પણ અમદાવાદી થઈ ગયો છે

છ્ત્રી વેચનાર ની દુરંદેશી પર હસતો થઈ ગયો છે

વરતારો કરનાર પર મનમાં મલકાતો થઈ ગયો છે

આ વરસાદ પણ અમદાવાદી થઈ ગયો છે

આકાશે મીંટ માડેલ ગરજાઉ આંખો વાળા

જગતા ના તાત સાથે ભાવ તાલ કરતો થઇ ગયો છે.

આ વરસાદ પણ અમદાવાદી થઈ ગયો છે...... 

         *સુકેશ પરીખ*  ૨/૭/૨૦૧૨